Ромб хуудасны эх кодыг харах

{{Unreferenced}}
'''Ромб''' ({{lang-en|rhombus}}) нь нэгэн төрлийн [[дөрвөн өнцөгт]] бөгөөд 4 талын уртууд нь бүгд тэнцүү [[дүрс]] юм. [[Диагональ|Диагоналиуд]] нь [[перпендикуляр]]аар огтлолцдог [[параллелограм]] хэмээн тодорхойлсон ч болно. Бүх 4 [[дотоод өнцөг]] нь тэнцүү ромб нь [[квадрат]] болно.
[[Зураг:Rhombus.svg|frame|right|Ромб]]

Ромб нь параллелограм тул түүний бүх шинж чанарыг агуулна. Тодорхой хэлбэл,
* 2 хос эсрэг талууд нь хоорондоо [[парралель]] бөгөөд уртууд нь тэнцүү.
* 2 хос эсрэг өнцгүүдийн хэмжээ нь хоорондоо ижил.
* Диагоналиуд нь тус тусынхаа дундаж цэгээр огтлолцоно
гэх мэт.

[[Шулуун тэгш хэм]]т дүрс бөгөөд 2 диагональ нь [[тэгш хэмийн тэнхлэг]] болно. Түүнчлэн диагоналиудын огтлолцлын цэгт төвтэй, 180°-ын [[эргүүлэлт]]ээр өөртэйгээ давхцдаг, өөрөөр хэлбэл [[цэгэн тэгш хэм]]тэй юм.

Диагоналиуд нь харилцан перпендикуляр бөгөөд 2 хос зэргэлдээ талууд нь уртаараа тэнцүү байх дөрвөн өнцөгтийг [[дельтоид]] гэдэг. Ерөнхий тохиолдолд дельтоидын эсрэг талууд нь параллель биш байдаг бөгөөд ромбыг "Эсрэг талууд нь параллель дельтоид" хэмээн тодорхолж бас болох юм.

Ромбын [[талбай]] S-ийг параллелограмын талбайн томъёо S =(талын урт)×(өндөр) хэмээх томъёогоор бодож болох боловч дараах томъёо нь илүү хялбар

<math>S=\frac {AC\times BD}{2}</math>.
Энд AC ба BD нь диагоналиудын уртыг илэрхийлнэ. Дельтоидын талбайг мөн энэ томъёогоор олох боломжтой байдаг.

Ромбыг диагоналиар нь 2 хэсэгт хуваавал хоорондоо тэнцүү [[адил талт гурвалжин]]гууд үүснэ.

[[Хөзөр|Хөзрийн]] нэг дүрс болох [[Дөрвөлжин (хөзөр)|дөрвөлжин]] <math>{\color{red}\blacklozenge}</math> нь улаан ромбоор тэмдэглэх нь элбэг.

== Мөн үзэх ==
* [[Квадрат]]
* [[Параллелограм]]

[[Ангилал:Олон өнцөгт]]